Тимушев Георгий Фёдорович 10.09.1922 — 30.04.1997 Чужліс Кулӧмдін районса Немдін сиктын. 1941 воын, Коми государственнöй пединститутын физико-математической факультетлысь кык курс помалӧм бӧрын, ас окотаысь муніс фронт вылӧ. 1942 вося февральсянь кутіс командуйтны сапёръяслӧн взводӧн. Сылы мойвиис косясьны вӧрӧгкöд Сталинград дорын, мездыны Харьков, вуджны Днепр, Донец да Днестр юяс. 1944 вося августын, Румынияын нин, лейтенант Тимушев аслас взводкӧд медводдзаӧн матыстчис Серет ю дорӧ. Нем виччысьтӧг уськӧдчисны фашистъяс вылӧ. Вуджисны пос кузя юсӧ да эз лэдзны вӧрӧгӧс матыстчыны. Тайӧ отсаліс бура вуджны юсӧ миян салдатъяслы. Тайӧ кось дырйи повтӧмлун петкӧдлӧмысь Георгий Фёдорович Тимушевлы 1945 вося мартын сетісны Советской Союзса Геройлысь ним. Война бӧрын сійӧ оліс да уджаліс Москваын. Би кинь, 2020, 3 №. |